Մեր մասին

«Արմենիան Քարդ» ՓԲԸ-ն (Ընկերություն) հիմնադրվել է Հայաստանի Հանրապետության Կենտրոնական բանկի և տաս առևտրային բանկերի կողմից 2000թ-ի մարտին՝ Հայաստանի Հանրապետության բանկային ոլորտում ժամանակակից վճարահաշվարկային համակարգի ներդրման և զարգացման նպատակով:

Ընկերության ստեղծման նպատակն է Հայաստանի Հանրապետությունում պլաստիկ քարտերով (այդ թվում միջազգային վճարային համակարգերի) և դրանց հետ կապված վճարման ժամանակակից այլ գործիքների միջոցով հաշվարկների միասնական համակարգի ստեղծումը, որը պետք է ապահովի ապրանքների և մատուցվող ծառայությունների դիմաց անկանխիկ վճարումների իրականացումը։

Ընկերությունը հանդիսանում է ԱրՔա ազգային վճարային համակարգի օպերատոր և հանդես գալով որպես միասնական պրոցեսինգային կենտրոն մատուցում է ծառայությունների փաթեթ, որը հնարավորություն է տալիս մասնակից առևտրային բանկերին թողարկել և/կամ սպասարկել ArCa ազգային վճարային համակարգի և միջազգային վճարային MasterCard, Visa, American Express, DCI (Diners Club International), МИР և JCB (Japan Credit Bureau) համակարգերի քարտեր՝ օգտվելով պրոցեսինգային կենտրոնի ժամանակակից տեխնիկական, տեխնոլոգիական և ծրագրային հնարավորություններից, ինչպես նաև Ընկերության մասնագիտական օժանդակությունից:

Ընկերությունն իր գործունեության ընթացքում իրականացնում է՝

պլաստիկ քարտերով վճարումների միասնական համակարգի (հետագայում՝ «Համակարգ») ընդհանուր ղեկավարում,
Համակարգի շրջանակներում թողարկված քարտերով կատարված գործառնությունների (գործարքների) պրոցեսինգ,
Համակարգի շրջանակներում գրանցված վաճառակետերում քարտերով կատարած գործարքների պրոցեսինգ
Համակարգի մասնակիցների համար քլիրինգային կենտրոնի ծառայությունների մատուցում ATM-երի (բանկոմատներ) և վաճառակետերի գրանցում
Առցանց վճարումներ և վաճառակետերի գրանցում 3D Secure տեխնոլոգիայի կիրառմամբ, դրանցում իրականացրած գործարքների մշակում, հարակից ծառայությունների մատուցում
քարտերի պերսոնալիզացիա (էլեկտրոնային, գրաֆիկական, մեխանիկական), և այլն:
քարտով գործառնությունների և քարտի հետ կապված գործողությունների մասին SMS տեղեկացման ծառայություն, USSD ծառայություն
Զեղծարար գործարքների մշտադիտարկման և դրանց կանխարգելման համակարգի կառավարում
Շուրջօրյա հեռասպասարկման կենտրոնի ծառայության մատուցում
Առցանց վճարային ծառայությունների մատուցում` ԱրՔա գրասենյակ և վճարային հավելված (Դրույթներ և պայմաններ)

Ներկայումս Ընկերության բաժնետերերն են Հայաստանի Հանրապետության Կենտրոնական բանկը և Հայաստանում գործող 15 առևտրային բանկեր:

Թիվ 1 լիցենզիա

Վճարային գործիքների և վճարաշավարկային

փաստաթղթերի պրոցեսինգ և քլիրինգ իրականացնելու համար

Կառուցվածք

Էջը թարմացվել է` 28.10.2024 17:35